Sports

INDvAUS: MEGAN SCHUTT NE LI HATTRICK TEAM INDIA NE JHELI LAGATAR 3 HAAR

Megan schutt ki hattrick ki badolat australia mahila cricket team ne somvaar ko womens t20 try series ke chautthey match mai team india ko 36 run se hara diya harmanpreet kaur ke netratv vali team india ko mozuda series mai lagatar 3 haar shikast jhelni padi.

australia ne phele balleybazz karke beth mooney aur elyse villani ki umda pariyo ki badolat 20 over mai 5 wicket khokar 186 run banaye jawab mai bharatiye mahila cricket team nirdharit overs mai 5 wicket khokar 150 run bana saki hattrick lene vali megan schutt ko man of the match chuna gaya series ka pachva match australia aur england ke beech budhdhvaar ko subha 10 baje se shuru hoga.

 

vishal lakshay ka peecha karne uttari team india shuruwaat mai hi backfoot par chali gayi megan schutt ne dusre over ki pachavi va chhati gend par karamarsah: smriti mandhana aur mithali raj ko clean bold kiya iske baad pachvey over ki pheli gend par schutt ne deepti sharma ko wellington ke ha hatho catch out karakar hattrick poori ki.

 

team india ki opener jemimah rodrigues ne kaptan harman preet kaur ke sath chautthey wicket ke leye 54 run jodkar team india ki vapasi ki ummed jarur jagai lekin kimmince ne rodrigues ko schutt ke hatho catch out karakar iss team india ko mukabley se bahar kar diya.

 

yeh kehna galat nahi hoga ki rodrigues aur harmanpreet ki sajheydari behad dheemi rahi jo haar ka ek aur karad rahi beharhal dono ne team ko behad kharab esthiti se jarur ubara jemimah ne 41 gendo mai 8 chaoukkey ki madad se apni fifty poori ki gardner ne harmanpreet ko kimmince ke hatho catch out karakar team india ko pachva jhatka diya.

 

iske baad anuja patil aur pooja vastrakar creez par datey rahe lekin team india ki jeet door hi reh gayi australia ki taraf se megan schutt ne char over ke apne kotey mai 31 run kharch karke 3 wicket chatkaye delissa kimmince aur gardner ko ek ek safalta mili bata de ki bharatiye team ke paas iss series ke final mai pahuchney ki umeedey behad kam hai.

 

issey phele team india ki kaptani harmanpreet kaur ne toss jeetkar australia ko balleybazi ka nyota diya pooja vastrakar ne alisa hili aur gardner ko pavilion bhejkar kangaroo team ki shuruwaat bigadi magar iske baad beth moneey aur elyse villani ne 114 run ki sajheydari karke autralia ko vishal score ki taraf badha diya.

 

poonam yadav ne villani ko rodrigues ke hatho catch out karakar iss sajheydari ko toda villani ne 42 gendo mai 10 chokkey ki madad se 61 run banaye phir jhulan goswami ne beth moneey ko rodrigues ke hatho catch out karakar unki chamkili pari ka aant kiya moneey ne 46 gendi mai 8 chokkey ki madad se 71 run banaye.

Click to comment

Leave a Reply

Your email address will not be published. Required fields are marked *

Most Popular

To Top